მარტივი და ეფექტური ვარჯიში

  ისინი ერთნაირად ეფექტურად მოქმედებენ ყველა ორგანოზე.

შეიმსუბუქეთ ტკივილი ხერხემალში

ხერხემლის ტკივილი ყველაზე გავრცელებულია. ეს ვარჯიში იდეალურია მისთვის.თუ სახლში ხართ, შეგიძლიათ იატაკზე უამრავი სახის გაჭიმვა შეასრულოთ, მაგრამ თუ გარეთ ხართ, ეს იდეალური გზაა. 1. დაჯექით სკამზე
2. მიიტანეთ ერთი ფეხი მკერდთან, ისე, რომ ხელი ბარძაყის ქვეშ გეკიდოთ
3. ბარძაყი ნაზად ამოძრავეთ თქვენი სხეულის გარშემო
4. იყავით გაჭიმულ მდგომარეობაში 30 წამის განმავლობაში
5. ნელ-ნელა დაუშვით ფეხი იატაკზე

6. იგივე გააკეთეთ მეორე ფეხითაც
რჩევა: ვარჯიშის კეთებისას, ზურგი რაც შეიძლება, სწორად უნდა გეჭიროთ.
შეიმსუბუეთ ტკივილი მხრებში
მხრების ტკივილი შესაძლოა, გამოწვეული იყოს უამრავი სხვადასხვა მიზეზით. შესაძლოა, დიდხანს იყავით დაჭიმულ მდგომარეობაში და ა.შ.ეს მარტივი სავარჯიშო დაგეხმარებათ.შეგიძლიათ გააკეთოთ, როგორც მანქანის უკანა სკამზე, ასევე ლიფტში!
1. ღრმად ჩაისუნთქეთ, მანამ სანამ მხრებს ყურების მიმართულებით აწევთ
2. იყავით ამ პოზიციაში სამი წამის განმავლობაში
3. ნელ-ნელა ამოისუნთქეთ და ამავე დროს, ნელ-ნელა ჩამოუშვით მხრები
4. გაიმეორეთ ეს სავარჯიშო 10-ჯერ
შეიმსუბუქეთ ტკივილი ფეხებში
ფეხის ტკივილიც ძალიან გავრცელებულია, განსაკუთრებით იმ ადამიანებში, რომლებიც მთელი დღე ფეხზე დგანან ან დადიან. არაფერი შეედრება ფეხის მასაჟს, მაგრამ ეს სავარჯიშო შეგიძლიათ, ყველგან გააკეთოთ, იდგებით თუ იჯდებით, არ აქვს მნიშვნელობა.
1. დადგით ერთი ფეხი მეორეს პირდაპირ
2. უკანა ფეხი დადეთ ისე, რომ თითები იყოს იატაკისკენ პირით
3. ნაზად დააწექით იატაკს იქამდე, სანამ არ იგრძნობთ დაჭიმულობას ფეხის წვერში
4. იყავით ამ მდგომარეობაში 30 წამის განმავლობაში
5. ნელ-ნელა დააბრუნეთ ფეხი საწყის პოზიციაში
6. შეცვალეთ ფეხი და გაიმეორეთ იგივე.
რჩევა: შესაძლებელია, ყოველთვის ვერ გაიხადოთ ფეხსაცმელები ფეხზე, მაგრამ თუ მოახერხებთ, ეს სავარჯიშო უფრო ეფექტური იქნება.
შეიმსუბუქეთ ტკივილი მაჯებში
მაჯების ტკივილი გავრცელებულია განსაკუთრებულად იმ ადამიანებში რომლებიც მთელი დღის მანძილზე კომპიუტერთან სხედან და ბეჭდავენ, თუმცა მას შესაძლოა, სხვა უამრავი მიზეზიც ჰქონდეს. საბედნიეროდ, ამ სავარჯიშოს გაკეთება ყველგან შეგიძლიათ !
1. შეკარით მუშტები ორივე ხელით
2. გაჭიმეთ ორივე მუშტი წინ
3. მაჯებით მოხაზეთ წრეები ჰაერში
4. ორივე მაჯა წრიულად გაამოძრავეთ , მარჯვნივ, 10-ჯერ
5. ასევე, ორივე მაჯა წრიულად გაამოძრავეთ , მარცხნივ, 10-ჯერ
შეიმსუბუქეთ ტკივილი მკერდის კუნთებში
მკერდის ტკივილი, რომელიც შიგნიდან მომდინარეობს, შესაძლოა, ძალიან სერიოზულიც იყოს და ყოველთვის უნდა მიმართოთ ექიმს.მაგრამ თუ მკერდის კუნთები გტკივათ, ამის გამოსწორება ძალიან იოლია. ამ სავარჯიშოს გაკეთება შეგიძლიათ მაშინ, როდესაც ოფისში სკამზე კომფორტულად ზიხართ ანდაც სახლში, ტახტზე.
1. ხელები თავზე შემოიწყვეთ, ისე, რომ იდაყვები გაშლილი გქონდეთ, როგორც ფრთები
2. ხელები დაიჭირეთ ისე, რომ იდაყვები რაც შეიძლება უკან იყოს გაჭიმული
3. დაყავით ამ პოზიციაში 30 წამის განმავლობაში
4. ნელ-ნელა დააბრუნეთ იდაყვები საწყის პოზიციაში
რჩევა: სავარჯისოს კეთებისას, ძალიან მნიშვნელოვანია, რომ ისუნთქოთ, რადგან სუნთქვის შენარჩუნებას შეუძლია, გაზარდოს დაჭიმულობა.
შეიმსუბუქეთ ტკივილი თეძოებში
თეძოების ტკივილი ძალიან გავრცელებულია და შესაძლოა, ისინი გტკიოდეთ ჯდომის ან სიარულის დროსაც, რაც ძალიან შემაწუხებელია როგორც სხვა ტკივილებთან მიმართებაში ვიქცევით, თუ თეძოები ქრონიკულად გტკივათ, აუცილებლად, ექიმს უნდა მიმართოთ!
მაგრამ თეძოების უმნიშნველო ტკივილისთვის, ამ სავარჯიშოს გაკეთება ძალიან იოლია, სკამის დახმარებით.
1. დაჯექით სკამის ნაპირზე
2. გაიმართეთ, ნელ-ნელა შებრუნდით მარჯვნივ
3. მარცხენა ფეხი რაც შეიძლება შორ მანძილზე გაჭიმეთ, თქვენს უკან
4. მარჯვენა ფეხი მოხრილი გქონდეთ მარჯვენა კუთხეში
5. მანამ სანამ მარცხენა ფეხი იატაკის მიმართულებით გაქვთ გაჭიმული, აწიეთ მკერდი
6. დაყავით ამ პოზიციაში 30 წამის განმავლობაში
7. ნელ-ნელა დაუშვით ფეხი და დაუბრუნდით საწყის პოზიციას
8. იგივე გაიმეორეთ მეორე მხარესაც
რჩევა: რომელი ფეხითაც არ უნდა აკეთებდეთ სავარჯიშოს, სცადეთ, რომ მუხლი რაც შეიძლება მეტად დაჭიმოთ, რათა გაიზარდოს სხეულის ფიზიკური დაძაბულობა.
შეიმსუბუქეთ ტკივილი დუნდულებში
ეს შესაძლოა, გამოიწვიოს რაიმე ძალიან მძიმეს აწევამ ან სამსახურში დიდი ხნით ჯდომამ. მიზეზი რაც არ უნდა იყოს, ამ სავარჯიშოს გაკეთება შეგიძლიათ სკამზე ჯდომისას.
1. დაჯექით სკამზე
2.დაიდეთ მარჯვენა ფეხის კოჭი მარცხენა ფეხის მუხლზე
3. ზურგი სწორად გეჭიროთ, გადაიხარეთ წინ იქამდე, სანამ არ იგრძნობთ დაჭიმულობას დუნდულებში
4. დაყავით ამ პოზიციაში 30 წამის განმავლობაში
5. ნელ-ნელა გასწორდით და ფეხი დადგით იატაკზე
6. გააკეთეთ იგივე მეორე ფეხითაც
რჩევა: დაჭიმულობის გასაძლიერებლად, ხელით ძალიან ნაზად დააჭირეთ მუხლს, რომელიც ზემოდანაა მოქცეული.
შეიმსუბუქეთ ტკივილი ზურგის ზედა და საშუალო ნაწილებში
ზურგის ზედა და საშუალო ნაწილების ტკივილები ისეთივე შემაწუხებელია, როგორიც ხერხემლის ტკივილი.უკანა კუნთები ისეთი დიდი და კომპლექსურია, რომ ზოგჯერ მათი დაზიანება ძალიან იოლია.ამ სავარჯიშოს გაკეთება, საბედნიეროდ, ყველგან შეგიძლიათ.
1. ჩაეხუტეთ საკუთარ თავს
2. მარჯვენა ხელი დაიდეთ მარცხენა მხარზე და მარცხენა ხელი მარჯვენა მხარზე
3. ღრმად ისუნთქეთ
4. ამ პოზიციაში იყავით 30 წამის განმავლობაში
5. ნელ-ნელა დაბრუნდით საწყის პოზიციაში
რჩევა: დაჭიმულობის გასაზრდელად. როდესაც ჩახუტებულ პოზიციაში იქნებით, ნელ-ნელა მოიხარეთ წინ. გახსოვდეთ, რომ თან უნდა ისუნთქოთ !
შეიმსუბუქეთ ტკივილი მუხლებში
მუხლების ტკივილი მილიონობით ამერიკელს აწუხებს და ხშირად, საჭიროა ექიმთან ვიზიტი. თუმცა, ხშირად, ტკივილის თავიდან ასარიდებლად, უბრალოდ, საჭიროა, ადგეთ !
1. დაჯექით გასწორებულ მდგომარეობაში სკამზე
2. ნელ-ნელა ადექით, იმოძრავეთ ნელა და შეუფერხებლად
3. იდექით 5 წამის განმავლობაში
4. ნელ-ნელა დაჯექით, მკაცრად აკონტროლეთ მოძრაობები
5. გაიმეორეთ სავარჯიშო 10-ჯერ
შეიმსუბუქეთ ტკივილი კისერში
კისრის ტკივილი საშინელებაა.საბედნიეროდ, მისი დაჭიმვა ძალიან იოლია.არ აქვს მნიშვნელობა სად იმყოფებით, ამ მარტივი სავარჯიშოს გაკეთება ყველგან შეგიძლიათ !
1. დაჯექით სკამზე და ზურგში გასწორდით
2. გადაწიეთ თავი ერთ მხარეს, იქამდე, სანამ დაჭიმულობას არ იგრძნობთ
3. დაყავით ამ მდგომარეობაში 30 წამის განმავლობაში
4. ნელ-ნელა გაასწორეთ თავი
5.გაიმეორეთ იგივე მეორე მხარესაც
რჩევა: დაჭიმულობის გასაძლიერებლად, ნაზად დააწექით თავს, გახსოვდეთ, რომ ასეთ შემთხვევებში ყოველთვის ნაზად უნდა მოიქცეთ.